حیدر آباد: محرم کے موقع پر احتیاط برتنے کی اپیل

شیعہ مذہبی رہنما نثار حسین حیدر آغا نے محرم کے آغاز پر عوام کو حکومت کی ہدایات پر عمل کرتے ہوئے عزاداری و علم کی ایستادگی کرنے کی اپیل کی۔

حسین حیدر نے تمام عاشور خانوں کے ذمہ داروں کو حفظ ماتقدم کے طور پر عاشور خانوں میں احتیاطی تدابیر اختیار کرنے کی اپیل کرتے ہوئے علم کی زیارت کے لئے آنے والے زائرین سے ماسک اور سیناٹائزر کا استعمال کرنے کی اپیل کی۔

انہوں نے معصوم و کمسن بچوں کو زیارت کیلئے نہ لانے اور معمر افراد کو بھی عاشور خانوں سے آنے سے اجتناب کرنے کی اپیل کی۔

انہوں نے عوام کو پیغام دیتے ہوئے کہا کہ کورونا وائرس کے درمیان محرم الحرم کا آغاز ہوا ہے، جس میں ہمیں احتیاط کے ساتھ ماتم و مجالس کا اہتمام کرنا ہے تا کہ ہماری وجہ سے وباء مزید نہ پھیلائیں، دوسروں کو تکلیف دینا حسینیوں کا شیوہ نہیں۔

انہوں نے کہا کہ کورونا کے درمیان بھی ماتم ہوگا، عزاداری بھی ہوگی لیکن احتیاط کے ساتھ ہوگی کسی وجہ سے ماتم نہیں رکے گا۔