تلنگانہ کانگریس کے سینئر رہنما محمد سراج الدین کا انتقال

بتایا گیا ہے کہ ان کے چھوٹے بھائی بھی کورونا سے متاثر ہوئے ہیں اور وہ بھی اسپتال میں زیر علاج ہیں۔

تلنگانہ کانگریس کے سینئر رہنما اور متحدہ آندھرا پردیش کے سابق چیرمین اقلیتی ڈپارٹمنٹ کانگریس محمد سراج الدین کا اتوار کی رات حیدرآباد کے پرائیویٹ اسپتال میں انتقال ہوگیا ہے۔

بتایا گیا ہے کہ دو دن قبل سراج الدین کورونا وائرس سے متاثر ہوئے تھے اور دوران علاج ان کا انتقال ہوگیا۔ بتایا گیا ہے کہ ان کے چھوٹے بھائی بھی کورونا سے متاثر ہوئے ہیں اور وہ بھی اسپتال میں زیر علاج ہیں۔

سراج الدین کے اچانک انتقال پر کانگریس کے اقلیتی رہنما خواجہ ذاکر، میراج خان سید عظمت اللہ حسینی، محمد امتیاز اور دوسروں نے اپنے شدید رنج وغم کا اظہار کیا اور پسماندگان سے دلی ہمدردی کا اظہار کیا۔