سات مئی کو یکم رمضان ہوگا

ریاست تلنگانہ کے شہر حیدرآباد میں مرکزی رؤیت ہلال کمیٹی صدر مجلس علماء دکن نے اعلان کیا ہے کہ حیدرآباد ہی نہیں بلکہ ملک کے دیگر علاقوں میں چاند نظر نہیں آنے کی وجہ سے کل یعنی پیر کو 30 شعبان المعظم اور 7 مئی کو یکم رمضان المبارک ہوگا۔

ان علماء کا کہنا ہے کہ مئی کی 7 تاریخ کو پہلا رمضان ہوگا

مولانا سید محمد قبول باشاہ قادری شطاری معتمد صدر مجلس علماء دکن، مولانا مفتی خلیل احمد صاحب شیخ الجامعہ جامعہ نظامیہ اور مولانا سید کاظم پاشاہ قادری نے اعلان کیا کہ ملک بھر میں کہیں پر بھی چاند نظر نہیں آیا۔

وہیں دوسری جانب نئی دہلی کی شاہی جامع مسجد کے امام مولانا سید احمد بخاری صاحب نے اعلان کیا کہ آج چاند نظر نہیں آیا حالانکہ ملک بھر سے رؤیت ہلال سے رابطہ کیا گیا مگر کہیں سے چاند کی کوئی اطلاع نہیں ملی اسی وجہ سے یکم رمضان 7 مئی بروز منگل کو ہے۔