ریاست تلنگانہ میں فضائی آلودگی کے تحفظ اور شعور بیداری مہم چلائی گئی جس میں ریاست کے علاوہ ملک کے مختلف ریاستوں بلکہ بیرون ممالک کے افراد نے بھی شرکت کی۔
اس بیداری مہم میں فضائی آلودگی میں خلل کی وجوہات اور اس پر قابو پانے کے طریقوں سے عوام کو واقف کرانے کے لیے لائحہ عمل ترتیب دیا گیا۔
مہم کا حصہ بننے والی تنظیموں نے حکومت سے اس کے سدباب کیلئے اقدامات کرنے کا مطالبہ کیا۔
ان کا کہنا تھا کہ 'اگر فورا اس پر غور نہ گیا تو معاملہ نہایت سنگین ہوسکتا ہے'۔
ماحولیاتی جہد کار ذیشان نے کہا کہ 'دنیا بھر میں فضائی آلودگی ایک سنگین مسئلہ اختیار کر چکا ہے، بیشتر ممالک اس سلسلے میں مؤثر اقدامات کر رہے ہیں لیکن بھارتی حکومت اس سلسلے میں ابھی تک خواب غفلت میں ہے'۔
جرمنی سے تعلق رکھنے والے ایک جہد کار یعقوب کا کہنا ہے کہ 'دنیا بالخصوص جرمنی میں گزشتہ کئی برسوں سے مہم چلائی جارہی ہے اور عوام کا مثبت رد عمل ظاہر ہورہا ہے۔ فضائی آلودگی پوری زمین کے لئے خطرہ بن چکی ہے،۔
سٹیزن فار حیدرآباد کی رکن کاجل نے بتایا کہ 'اگر عوام نے بروقت شعور سے کام نہ لیا تو منفی نتائج برآمد ہو سکتے ہیں'۔