تلنگانہ: سڑک حادثے میں ایک شخص ہلاک

حادثہ راجندرنگرپولیس اسٹیشن کے حدود کے او آر آر پر حمایت ساگر کے قریب پیش آیا، لاری ڈرائیور کو نامعلوم گاڑی نے ٹکر دے دی۔

تلنگانہ کے ضلع رنگاریڈی میں پیش آئے سڑک حادثہ میں ایک شخص ہلاک ہوگیا۔یہ حادثہ ضلع کے راجندرنگرپولیس اسٹیشن کے حدود کے او آر آر پر حمایت ساگر کے قریب اُس وقت پیش آیا جب لاری ڈرائیور کو نامعلوم گاڑی نے ٹکر دے دی۔اس حادثہ کے نتیجہ میں وہ موقع پر ہی ہلاک ہوگیا۔اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے بھیج دیا۔