'پرانے شہر کی ترقی پر توجہ مرکوز نہیں کی گئی'

ریاست تلنگانہ کے دارالحکومت حیدرآباد پارلیمانی حلقے سے کانگریس پارٹی نے فیروز خان کو امیدوار بنایا ہے۔

کانگریس کے امیدوار فیروز خان نے پرانے شہر کی ترقی کے متعلق ای ٹی وی بھارت سے بات کی۔

انہوں نے بتایا کہ گزشتہ 40 برس سے اے آئی ایم آئی ایم اس حلقے پارلیمان سے کامیاب ہوتی آئی ہے تاہم اس نے کبھی اس حلقے کی ترقی پر توجہ مرکوز نہیں کی۔

فیروز خان نے بوگس ووٹنگ کو مجلس اتحادالمسلمین کی مسلسل کامیابی کا راز بتاتے ہوئے کہا کہ ایمانداری سے انتخابات انجام پائے تو مجلس کی شکست یقینی ہے۔

تلنگانہ راشٹر سمیتی کو فیروز خان نے مفاد پرست قرار دیتے ہوئے اسد الدین اویسی کی جانب سے کے سی آر کو وزیراعظم کے لئے موضوع شخصیت قرار دینے کو مضحکہ خیز بتایا اور کہا کہ محض سترہ نشستوں پر کامیابی حاصل کرتے ہوئے مرکز میں حکومت تشکیل دینے کا خواب مذاق سے زیادہ کچھ نہیں