'کورونا کی وباء بلا کسی تفریق مذہب و ملت عوام میں پھیل رہی ہے'

مفتی سید صادق محی الدین نے موجودہ مہلک کورونا وائرس کی وباء کو عالمی وباء قرار دیا، جس کے باعث سارا عالم اضطراب، ڈر و خوف کے عالم میں مبتلاء ہے۔ دنیا کے کئی ممالک اس مہلک کووڈ۔19 کی وباء کی وجہ بے بس نظر آرہے ہیں۔

وہیں دوسری جانب اس موذی وباء کا احاطہ بڑھتے ہوئے بھارت میں بھی تیزی سے پھیل گیا ہے۔

مفتی سید صادق محی الدین کہا کہ وائرس کی وباء بلا کسی تفریق مذہب و ملت عوام میں پھیل رہی ہے، اس کا کوئی مذہب نہیں ہوتا لہذا کسی خاص جماعت یا مذہب پر متعصبانہ انداز میں الزام عائد کرنا نامناسب ہے، جس سے قومی اتحاد سالمیت و ہم آہنگی متاثر ہونے کے قوی امکانات پائے جاتے ہیں، یہ نہ صرف غیر اخلاقی بلکہ غیر دستوری ہے۔

انہوں نے مزید تفصیلات سے واقف کرواتے ہوئے کہا کہ میڈیا کے ایک گوشہ کی جانب سے جو زبان استعمال کی گئی ہے وہ قابل مذمت ہے، کیوں کہ تبلیغی جماعت کا اجتماع لاک ڈاؤن سے قبل ہی منعقد ہوا تھا، جس کی وجہ انہیں مورود الزام ٹھہرانا نامناسب ہے۔