آندھراپردیش اور تلنگانہ میں بارش کا امکان

محکمہ موسمیات نے اتوار کو انتباہ دیا ہے کہ رائل سیما میں بعض مقامات پر آئندہ چار اور تین دنوں کے دوران بالترتیب گرج وچمک کے ساتھ شدید بارش کاامکان ہے۔

محکمہ موسمیات نے اپنے بلیٹن میں اس نے انتباہ دیا کہ آئندہ 48 گھنٹوں کے دوران اور 2 جولائی کو جنوبی ساحلی آندھراپردیش، شمالی ساحلی آندھراپردیش اور یانم میں بعض مقامات پر گرج وچمک کے ساتھ بارش کا امکان ہے۔

بلٹین میں مزید انتباہ دیا گیا کہ 29، 30 جون کوجنوبی ساحلی آندھراپردیش اور 2 جولائی کو یانم میں بارش کا امکان ہے۔ آئندہ 24 گھنٹوں کے دوران تلنگانہ میں بعض مقامات پر گرج وچمک کے ساتھ بارش کا امکان ہے۔

اسی طرح آئندہ پانچ دنوں کے دوران تلنگانہ،ساحلی آندھراپردیش اور رائلسیما میں بعض مقامات پر ہلکی تا اوسط یا پھر گرج وچمک کے ساتھ بارش کا امکان ہے۔ جنوب مغرب مانسون رائل سیما میں شدت اختیار کرگیا ہے، یہ تلنگانہ میں سرگرم اور ساحلی اے پی میں کمزور ہوگیا ہے۔

تلنگانہ کے محبوب نگر، سنگاریڈی، کریم نگر،جوگولامبا گدوال، ناگرکرنول، راجنا سرسلہ،رنگاریڈی، حیدرآباد، وقارآباد اور ونپرتی کے علاوہ آندھراپردیش کے رائل سیما خطہ کے چتور، کرنول اضلاع میں بعض مقامات پر بارش ہوئی۔