کے تارک راما راو کو عدالت سےراحت ملی

فارم ہاوز معاملے میں این جی ٹی نے وزیر کے ٹی آر کو نوٹس جاری کی تھی جس پر تلنگانہ ہائیکورٹ نے آج اسٹے دیا ہے۔

تلنگانہ کےوزیر بلدی نظم ونسق و ٹی آرایس کے کارگذار صدر تارک راما راو کو فارم ہاوز معاملے میں ریاستی ہائی کورٹ نے راحت دی ہے۔

رنگاریڈی ضلع کے جنواڑہ میں واقع فارم ہوز کی تفصیلات فراہم کرنے نیشنل گرین ٹریبونل (این جی ٹی)کی نوٹس کو ہائی کورٹ میں چیلنج کیا گیا۔

اس عرضی کی سماعت کرتے ہوئے عدالت نے این جی ٹی کے احکام پر اسٹے لگایا۔اس فارم ہاوز پر ملکاجگری کے رکن پارلیمان و تلنگانہ کانگریس کے کارگذارصدر ریونت ریڈی نے این جی ٹی سے شکایت کی تھی یہ فارم ہوزجی او111کی خلاف ورزی ہے جس کے مطابق ممنوعہ زون میں اس کی تعمیر کی گئی ہے۔

انہوں نے کہا تھا کہ بلدی نظم ونسق وشہری ترقی کا محکمہ،اہم ذخائر آب عثمان ساگر اور حمایت ساگر کی بحالی کا مجاز ہے تاہم راو نے اس ممنوعہ علاقہ میں وی وی آئی پی فارم ہوز تعمیر کیا ہے۔

وی وی آئی پی فارم ہوز کیلئے سڑک بچھانے کے لئے عثمان ساگر کو جانے والی قدرتی نہر کو نقصان پہنچایاگیا ہے۔ریونت ریڈی کی اس عرضی پر این جی ٹی نے وزیرموصوف کونوٹس جاری کی تھی۔اس نوٹس پر انہوں نے ہائی کورٹ میں چیلنج کیا جس پر ہائی کورٹ نے ان کوراحت دی۔

کےٹی آر کا کہنا ہیکہ کانگریس رہنما نے سیاسی فائدے کے لیے ان کے خلاف این جی ٹی میں عرضی دی۔