حیدر آباد: سیلاب زدگان کے لئے میڈیکل کیمپ منعقد

ریاست تلنگانہ کے دارالحکومت حیدرآباد میں سیلاب متاثرین کی امداد کے لیے میڈیکل کیمپ کا انعقاد کیا گیا۔ یہ کیمپ انٹر نیشنل ہیومن رائٹس کی جانب سے معقد کیا گیا۔

حیدرآباد کے مضافاتی علاقہ نبیل کالونی میں میڈیکل کمیپ لگایا گیا۔ اس میں مریضوں کی جانچ کرنے کے ساتھ، انہیں مفت میں دوا بھی فراہم کی گئی۔

اس کمیپ میں 300 سے زیادہ لوگوں نے استفادہ حاصل کیا۔ انٹرنیشنل ہیومن رائٹس کے جنرل سیکرٹری امجد خان نے کہا کہ حیدرآباد کے سیلاب سے متاثرہ علاقوں میں میڈیکل کمیپ منعقد کیا جائے گا۔

غورطلب ہے کہ تلنگانہ کے دارالحکومت حیدرآباد میں گذشتہ ماہ موسلادھار بارش کے سبب بعض علاقوں میں پانی داخل ہوگیا تھا اور سینکڑوں مکان پانی میں ڈوب گئے تھے، جس کی وجہ سے گھروں کا مکمل سامان تباہ و برباد ہوگیا تھا۔