مجلس اتحادالمسلمین سیکولر جماعت ہے: اسد اویسی

ایم آئی ایم کے صدر اسدالدین اویسی نے جی ایچ ایم سی انتخابی مہم کے دوران کہا کہ مجلس نے ڈویژن پرانے پل سے راج موہن کو تیسری مرتبہ امیدوار کی حیثیت سے ٹکٹ دیا اور کئی حلقوں سے ہندوؤں کو ٹکٹ دیا ہے۔

حیدرآباد میں جی ایچ ایم سی انتخابی جلسہ سے خطاب کرتے ہوئے اسد الدین اویسی نے مرکزی حکومت پر نکتہ چینی کی۔ انہوں نے کہا کہ ریاست تلنگانہ میں بی جے پی کے 4 ارکان پارلیمان ہیں اور ایک مرکزی وزیر رہنے کے باوجود حیدرآباد میں سیلاب سے متاثرہ علاقوں میں کوئی امداد نہیں دی گئی۔

ریاستی بی جے پی صدر بنڈی سنجے ان انتخابات کو مذہبی رنگ دینے کی کوشش کر رہے ہیں۔ مجلس اتحاد المسلمین ایک سیکولر پارٹی ہے۔ مجلس نے ڈویژن پرانے پل سے راج موہن کو تیسری مرتبہ امیدوار کی حیثیت سے ٹکٹ دیا اور کئی حلقوں سے ہندوؤں کو ٹکٹ دیا۔

انہوں نے بی جے پی پر تنقید کرتے ہوئے کہا کہ بی جے پی ایک بھی مسلمان کو ٹکٹ نہیں دیتی ہے اور ملک میں نفرت کی سیاست کرتی ہے۔