حیدرآباد کےمختلف علاقوں میں ہلکی اور تیز بارش

جی ایچ ایم سی کے عہدیداروں اور ڈی آر ایف اہلکاروں کو شہر میں غیر موسمی بارشوں کے بارے میں چوکس کردیا گیا۔ ریاست بھر میں ہلکی بارش کی توقع ہے۔

حیدرآباد میں بدھ کی صبح اولین ساعتوں میں بارش شروع ہوگئی۔ حیدرآباد کے مختلف علاقوں میں ہلکی اور تیز بارش ہوئی جس کے بعد موسم سرد ہوگیا ہے۔

پنجہ گٹہ، خیرت آباد،ایرم منزل، امیرپیٹ، ایس آر نگر، کرمن گھاٹ، چمپا پیٹ، آئی ایس سدن، میرپیٹ، سنتوش نگر، میاں پور، ایل بی نگر ونستھلی پورم،حیات نگر میں بارش ہوئی ہے۔بعض علاقوں میں گرج وچمک دیکھی گئی۔

جی ایچ ایم سی کے عہدیداروں اور ڈی آر ایف اہلکاروں کو شہر میں غیر موسمی بارشوں کے بارے میں چوکس کردیا گیا۔ ریاست بھر میں ہلکی بارش کی توقع ہے۔ محکمہ موسمیات نے ایک بیان میں کہا، میدک، وقارآباد، کریم نگر، سنگاریڈی، رنگاریڈی اور پیدا پلی جیسے علاقوں میں 25 سے 30 ملی میٹر بارش ہوئی۔