مڈ منیئر ڈیم پروجیکٹ پر تلنگانہ کے وزیر کے ٹی راما راؤ پر تنقید کرتے ہوئے کانگریس کے رہنما اور ٹی پی سی سی کے صدر پونم پربھاکر نے کہا کہ 'راؤ کو اپنی باتوں پر قائم رہنا چاہئے اور منیر ڈیم سے متعلقہ تعمیراتی کام اکتوبر تک ختم کردیں ورنہ مستعفی ہوجائیں'۔
انہوں نے کہا کہ 'پولیس نے انہیں اس وقت گرفتار کیا جب انہوں نے 'جالا پروگرام' کے ایک حصے کے طور پر پروجیکٹ سائٹ کا دورہ کرنے کی کوشش کی'۔
انھوں نے کہا ہے کہ 'ہم نے جالا دیکشا پروگرام شروع کیا ہے کیونکہ حکومت پر دباؤ بڑھے گا اور جلد ہی یہ نامکمل منیئر منصوبے کی تعمیر شروع کردے گی۔ جب ہم نے پروجیکٹ سائٹ کا دورہ کرنے کی کوشش کی تو پولیس نے ہمیں گرفتار کرلیا۔ اس سے اس حکومت کی آمریت ظاہر ہوتی ہے'
پونم پربھاکر نے کہا ہے کہ 'منیئر پروجیکٹ کی تعمیر مکمل نہیں ہو سکی ہے لیکن رنگانایاکا ساگر پروجیکٹ اور کونڈا پوچماں پروجیکٹ کیسے مکمل ہوا جو دس ویں پیکیج میں شامل ہے'۔
پونم پربھاکر کا کہنا ہے کہ 'کے ٹی آر کو سرسیلہ کے کسانوں کو جواب دینا چاہئے۔ تلنگانہ حاصل کرکے چھ برس ہوچکے ہیں، لیکن منیئر پروجیکٹ ابھی تک کیوں مکمل نہیں ہوا'۔
انہوں نے مزید کہا کہ 'اپوزیشن کو مورد الزام ٹھہرانے کے بجائے آپ منصوبوں کی تعمیر پر بہت کم توجہ مرکوز کرتے ہیں اور اسے جلد ختم کردیتے ہیں'۔
انہوں نے منیئر ڈیم سے متعلقہ کاموں سے متعلق وزیر کے ریمارکس کا حوالہ دیتے ہوئے کہا کہ 'اگر وہ اپنے الفاظ پر عمل نہیں کرتے ہیں تو انہیں استعفی دینا چاہئے'۔
انہوں نے مزید کہا ہے کہ 'اکتوبر تک تعمیر مکمل کرکے اپنے الفاظ پر قائم رہیں ورنہ سرسیلہ میں اپنے ایم ایل اے کے عہدے سے استعفیٰ دیں۔ ہم وزیر کے ٹی آر سے مطالبہ کرتے ہیں کہ وہ یہاں کے منصوبوں پر توجہ دے کر کاشت کاروں کے ساتھ انصاف کریں'۔
بتادیں کہمڈ منیئر ڈیم آب پاشی کا ایک بڑا منصوبہ ہے۔ جو تلنگانہ کے منڈل بونپلی کے ضلع راجنا سرسیلہ میں واقع دریائے منیئرکے پار منوڈا گاؤں میں زیر تعمیر ہے۔ یہ 25 بڑے دروازروں کے ساتھ 25.87 ٹی ایم اسکور فٹ پر مبنی ہے۔ یہ دوپزار ایکڑ تک سیراب کرنے کی گنجائش رکھتا ہے۔
