لاوراث لاش کی تجہیز وتکفین

ریاست تلنگانہ کے دارالحکومت حیدرآباد سے شائع ہونے والے روزنامہ سیاست نہ صرف ذرائع ابلاغ میں اپنے فرائض انجام دیتا ہے بلکہ یہ ملی کاموں میں بھی نمایاں خدمات انجام دے رہا ہے۔

روزنامہ سیاست کی جانب سے لاوارث مسلم لاشوں کی تجہیز و تدفین عمل میں لائی جاتی ہے، یہ علم برسہا برس سے جاری ہے۔ اسی جذبے کے تحت اس ادارے نے اب تک تقریباً ساڑھے چار ہزار مسلم لاشوں کی تدفین انجام دی جاچکی ہے، جو کہ اپنے آپ میں ایک منفرد کارنامہ ہے۔

اس سلسلے میں ایڈیٹر روزنامہ سیاست عامر علی خان نے ای ٹی وی بھارت سے کہا کہ اس سفر کی شروعات بہت پرانی ہے۔
ایک مسلم پولیس اہل کار نے مسلم لاشوں کی بے حرمتی برداشت نہ کرتے ہوئے ادارے سے ربط قائم کیا اور لاوارث لاشوں کی تدفین کی تجویز پیش کی جس سے اس وقت کے ایڈیٹر روزنامہ سیاست زاہد علی خان نے فوراً قبول کرلیا۔

اس کے بعد انہوں نے پولیس اہل کار سے اس کی تدفین کی اجازت حاصل کی۔ اس وقت سے یہ سلسلہ جاری ہے۔

عامر علی خان نے بتایا کہ ادارے کی جانب سے ملت فنڈ کے ذریعے مسلم طبقے کو تعلیم اور روزگار سے مربوط کرنے کے اقدامات کیے جاتے ہیں تاکہ مسلم طبقہ کی ناخواندگی اور پسماندگی کو دور کیا جا سکے۔