تلنگانہ میں کسانوں کے پہلے کلسٹر کا افتتاح

کلسٹر کسانوں کو متحد کرنے، کسان بندھو سمیتیوں کو مستحکم کرنے،زراعت سے متعلق سرگرمیوں کو باقاعدہ بنانے اور آمدنی میں اضافہ کرنے میں معاون ثابت ہوں گے۔

تلنگانہ کے وزیر انفارمیشن ٹکنالوجی کے تارک راما راو نے سرسلہ ضلع کے تنگالاپلی میں کسانوں کے پہلے کلسٹر کا افتتاح کیا۔یہ کلسٹر کسانوں کو متحد کرنے، کسان بندھو سمیتیوں کو مستحکم کرنے،زراعت سے متعلق سرگرمیوں کو باقاعدہ بنانے اور آمدنی میں اضافہ کرنے میں معاون ثابت ہوں گے۔

راو نے اس کے افتتاح کی اطلاع سوشیل میڈیا کے اہم پلیٹ فارم ٹوئیٹر کے ذریعہ دی۔انہوں نے اس سلسلہ میں تصویر کے ساتھ کئے گئے ٹوئیٹ میں کہا کہ ایسے مزید سات کلسٹر ان کے شخصی مصارف سے 28لاکھ روپئے سے تعمیر کئے جائیں گے۔انہوں نے نشاندہی کی کہ حکمران جماعت ٹی آرایس کے ارکان اسمبلی بھی اپنے متعلقہ حلقوں میں اسی طرح کے مراکز قائم کریں گے۔