ہتھنی کو پٹاخے کھلانے والے کی شناخت بتانے پر انعام

کیرالہ میں حال ہی میں حاملہ ہتھنی کو انناس میں پٹاخہ بھرکر کھلانے سے اس کی موت کے معاملے میں حیدرآباد شہر کے یونائیٹڈ فیڈریشن آف ریزیڈینشیل ویلفیئر ایسوسی ایشن نے اس میں ملوث بدمعاشوں کی شناخت بتانے والے کو دو لاکھ روپے کے انعام کی پیشکش کی ہے۔

ایسوسی ایشن کے سکریٹری جنرل بی ٹی شری نواس نے ٹوئٹ کرکے کہا کہ ’’میں اس شخص کو دو لاکھ روپے کی پیشکش کرنا چاہتا ہوں جو ان بدمعاشوں کے بارے میں جانکاری دے گا جنہوں نے حاملہ ہتھنی کو انناس میں بھرکر پٹاخے کھلائے۔‘‘

واضح رہے کہ کیرالہ کے کوچی میں کچھ لوگوں نے انسانیت کو شرم سار کرتے ہوئے ایک ہتھنی کو انناس میں بھرکر پٹاخے کھلادیئے۔ یہ پٹاخے ہتھنی کے منھ میں پھٹ گئے۔ جس سے ہتھنی کے ساتھ ساتھ اس کے پیٹ میں پل رہے بچے کی بھی موت ہوگئی تھی۔

اس قابل نفرت کام کی پورے ملک کی اہم شخصیتوں اور فلم سے منسلک لوگوں نے مذمت کی تھی۔