حیدرآباد: نکلس روڈ پر نہیں دھرنا چوک پر ہوگا ملین مارچ

شہریت ترمیمی قانون، این آر سی و این پی آر کی مخالفت میں جوائنٹ ایکشن کمیٹی کو حیدرآباد پولیس کی جانب سے کل ملین مارچ کی اجازت دے دی گئی۔

تاہم پولیس نے ملین مارچ کو نکلیس روڈ کے بجائے دھرنا چوک پر منعقد کرنے کی اجازت دی، کنوینر مشتاق ملک نے اس سلسلے میں میڈیا کے ذریعے مارچ کے مقام کی تبدیلی کا اعلان کیا۔

انہوں نے کہا کہ چالیس تنظیمیں اس مارچ میں حصہ لیں گی مزید مختلف یونیورسٹیز کی طلباء یونین بھی ان کے مارچ میں شریک رہیں گی۔

اس موقع پر تلنگانہ پرائیویٹ اسکول اسوسی ایشن نے بھی اس مارچ میں جوائنٹ ایکشن کمیٹی کی بھر پور تائید کا اعلان کیا، مشتاق ملک نے دستور کو بچانے کے لیے تمام سیکولر بھارتیوں سے ملین مارچ میں شریک ہونے کی اپیل کی ہے۔