ریاست تلنگانہ کے دارالحکومت حیدرآباد میں موومنٹ فار پیس اینڈ جسٹس کے صدر عبدالعزیز نے پریس کانفرنس سے خطاب کرتے ہوئے کہا کہ قومی دارالحکومت دہلی میں 24 نومبر 2020 سے ہزاروں کی تعداد میں کسان، خواتین اور بچوں کے ساتھ شدید سردی اور بارش میں زرعی قوانین کے خلاف احتجاج کر رہے ہیں۔
حیدرآباد: زرعی قوانین کے خلاف موومنٹ فار پیس اینڈ جسٹس کی پریس کانفرنس
انہوں نے کہا کہ کسانوں کا یہ بھی مطالبہ ہے کہ کسانون کو ملنے والی بجلی پر سبسڈی برخاست کرنے کا جو بل پارلیمنٹ میں پاس ہوا ہے، اسے بھی قانونی شکل دینے سے پہلے منسوخ کیا جائے ورنہ اس کے نفاذ کے بعد بجلی کے اخراجات کسانو کے لئے ناقابل برداشت ہوں گے۔
وہیں اس موقع پر تلنگانہ کسان فورم کی صدر سارا میتہوس نے کہا کہ ہم حکومت کے اس غیر جمہوری فیصلوں کی سخت مذمت کرتے ہیں اور اس کے علاوہ کسانوں پر کئے گئے ظلم کی بھی مذمت کرتے ہیں۔