Hyderabad Kidnaping Case مغوبہ بچہ نظام آباد سے برآمد

حیدرآباد کے ایک ہاسپیٹل سے چھ دنوں قبل اغوا ہونے والے چھ ماہ کے بچے کو پولیس نے نظام آباد سے برآمد کرلیا۔ پولیس نے اس معاملے میں جوڑے کو گرفتار کر لیا۔ اس جوڑے نے پوچھ گچھ میں بتایا کہ چونکہ وہ اولاد سے محروم تھے، اسی لیے اس بچہ کا انہوں نے اغوا کیا۔ Missing Boy Recovered From Nizamabad

حیدرآباد:ریاست تلنگانہ کے حیدرآباد کے ایک ہسپتال سے 6 دنوں قبل اغوا ہونے والے چھ ماہ کے بچے کو پولیس نے نظام آباد سے برآمد کرلیا۔ پولیس نے اس معاملے میں جوڑے کو گرفتار کر لیا۔ اس جوڑے نے پوچھ گچھ میں بتایا کہ چونکہ وہ اولاد سے محروم تھے، اسی لیے اس بچہ کا انہوں نے اغوا کیا۔ اس معاملے کی تفتیش جاری ہے۔

تفصیلات کے مطابق والدین گنڈی پیٹ کے ایک فارم ہاؤس میں چوکیدار کے طور پر کام کرتے ہیں۔ ان کے دو بیٹے ہیں۔ بڑے بیٹے کو خرابی صحت کی بنا پر 14 ستمبر کی دوپہر شہر کے ایک ہسپتال لایا گیا تھا۔ اس کو ہسپتال میں داخل کرایا گیا۔ والدہ اپنے چھوٹے بیٹے کو پکڑے پہلی منزل پر بیٹھی ہوئی تھی کیونکہ بڑے بیٹے کا علاج جاری تھا۔ اسی دوران والدہ کے پاس ایک خاتون آئی جو اس سے باتیں کرنے لگی۔ اسی بیچ والدہ کھانا لینے وارڈ سے باہر چلی گئی۔ اس نے جب مڑ کر دیکھا تو چھوٹا لڑکا اسے نظر نہیں آیا۔

خاتون پریشان ہو کر قریب میں موجود افراد سے اس کے بارے میں پوچھا تو انہوں نے بتایا کہ جو خاتون اس کے قریب بیٹھی ہوئی تھی، وہی بچہ کو لے گئی۔ والدہ نے اس سلسلہ میں پولیس سے شکایت کی۔ پولیس نے اس شکایت کی بنیاد پر معاملہ درج کرلیا۔ پولیس نے پورے معاملے کی تفتیش شروع کردی۔ پولیس نے مغوبہ بچے کو ڈھونڈنے کے لئے ٹاسک فورس کی ٹیم تشکیل دی۔ ٹاسک فورس نے نظام آباد سے برآمد کرلیا۔ پولیس نے اس معاملے میں جوڑے کو گرفتار کر لیا۔