حیدرآباد: سڑک حادثے میں چارافراد شدید زخمی

زخمیوں میں سے دو افراد کی حالت تشویشناک بتائی جاتی ہے۔ اس حادثے کی وجہ صبح کا کہرا بتایا جا رہا ہے۔ زخمیوں کو علاج کے لئے فوری طورپر ہسپتال منتقل کر دیا گیا۔

حیدرآباد کے راجندرنگر کے حیدرشاہ کوٹ علاقہ میں پیش آئے سڑک حادثہ میں چارافراد شدید زخمی ہوگئے۔ یہ حادثہ بدھ کی صبح کی اولین ساعتوں میں اُس وقت پیش آیا جب کار کے ڈرائیور نے اس کا توازن کھودیا اور یہ کار ڈیوائیڈر سے ٹکراگئی۔

زخمیوں میں سے دو لوگوں کی حالت تشویشناک بتائی جاتی ہے۔ صبح کے اوقات میں کہرا حادثہ کی وجہ سمجھا جا رہا ہے۔ زخمیوں کو علاج کے لئے فوری طورپر اسپتال منتقل کر دیا گیا۔

حادثے کا شکار ہونے والی کار سن سٹی سے مہدی پٹنم کی سمت جارہی تھی۔ اس حادثہ میں کار کے سامنے کے حصہ کو نقصان پہنچا۔ کار میں سفرکرنے والے نوجوانوں کی شناخت بہادرپورہ علاقہ کے رہنے والے احمد، سہیل، فیصل اور ایک نوجوان کے طورپر کی گئی ہے۔

اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کر لیا۔ پولیس نے زخمیوں کو علاج کے لیے اسپتال منتقل کردیا۔

یو این آئی