حیدرآباد: 130 چالانات والی گاڑی کے مالک کے خلاف معاملہ درج

ٹریفک پولیس کے سب انسپکٹر پربھاکر ریڈی نے کہا کہ جوبلی ہلز چیک پوسٹ پر پیر کی شب گاڑیوں کی تلاشی کے دوران جوبلی ہلز روڈ نمبر 2 کی طرف جانے والی ایک گاڑی کو روکا گیا۔ اس گاڑی کے چالانات جب آن لائن معلوم کئے گئے تو اس پر ٹریفک قواعد کی خلاف ورزی کے 130 چالانات کا پتہ چلا۔

حیدرآباد میں ٹریفک قواعد کی خلاف ورزی پر 130 چالانات والی گاڑی کے مالک کے خلاف شہر حیدرآباد میں جوبلی ہلز پولیس نے ایک معاملہ درج کرلیا۔

ٹریفک پولیس کے سب انسپکٹر پربھاکر ریڈی نے کہا کہ جوبلی ہلز چیک پوسٹ پر کل شب گاڑیوں کی تلاشی کے دوران جوبلی ہلز روڈ نمبر 2 کی طرف جانے والی ایک گاڑی کو روکا گیا۔اس گاڑی کے چالانات جب آن لائن معلوم کئے گئے تو اس پر ٹریفک قواعد کی خلاف ورزی کے 130 چالانات کا پتہ چلا۔

تیز رفتاری، رانگ پارکنگ، بغیر ہیلمٹ کے روانگی پر یہ چالانات عائد کئے گئے تھے۔ اس گاڑی کو ضبط کرلیا گیا۔ چالانات کی جملہ رقم 35,950 روپئے ہے۔ جب کہ اس گاڑی کا مالک مادھاپور کی ایک سافٹ ویر کمپنی میں ملازمت کرتا ہے۔

یو این آئی