شوہر کو دوسری عورت کے ساتھ دیکھنے پر پٹائی

ریاست تلنگانہ کے دار الحکومت حیدآباد کے کوکٹ پلی میں بیوی نے شوہر کو دوسری عورت کے ساتھ اسکے گھر میں رنگے ہاتھوں پکڑ کر زبردست پٹائی کردی۔

میاں بیوی لکشمن اور سوجنیا کموگوڈم، منچریل ضلع سے تعلق رکھتے ہیں، ان دونوں کا ایک چھوٹا بیٹا بھی ہے۔

سوجنیا کے پاس لکشمن کی دوسری عورت کے ساتھ تصاویر بطور ثبوت موجود ہیں۔

انہوں نے کہا کہ 'میں نے اپنے شوہر سے گھر کے دیگر فرد کے سامنے پوچھا تھا کہ یہ عورت کون ہے اور تمہارا اس کے ساتھ کیا تعلق ہے، جس کے جواب میں میرے شوہر نے کہا کہ یہ پورانی تصویر ہے۔'

انہوں نے کہا کہ 'مجھے شک ہوا کہ میرے شوہر کسی دوسری عورت کے ساتھ رہتا ہے تو میں اس عورت کے گھر گئی جہاں میں نے ان دونوں کو رنگے یاتھ پکڑلیا۔'

خیال رہے کہ وہ دوسری عورت بھی پہلے سے ہی شادی شدہ ہے اور اپنے شوہر سے الگ رہتی ہے۔

پولیس نے اس معاملے میں مقدمہ درج کر کے لکشمن کو حراست میں لے لیا ہے۔