تلنگانہ میں شدید بارش کا امکان

محکمہ موسمیات کے مطابق خلیج بنگال میں بننے والے ہوا کے کم دباؤ کی وجہ سے اڈیشہ، چھتیس گڑھ اور تلنگانہ میں شدید بارش ہوسکتی ہے۔

تلنگانہ کے مختلف مقامات پر شدید بارش جبکہ کچھ مقامات پر ہلکی تا اوسط بارش ہونے کا امکان ظاہر کیا جارہا ہے۔
محکمہ نے مزید بتایا کہ خلیج بنگال میں ہوا کے دباؤ میں کمی کے نتیجہ میں آئندہ دو دنوں تک بارش جاری رہنے کا امکان ہے۔

ہوا کے دباؤ میں کمی کا علاقہ ریاست اڈیشہ کے بالاسور سے تقریباً پچاس کیلومیٹر کے فاصلے پر بنا ہوا ہے۔ریاست تلنگانہ میں جنوب مغربی مانسون سرگرم ہونے کی وجہ سے بارش کا سلسلہ جاری ہے۔حیدرآباد میں بھی بارش کا سلسلہ جاری ہے جبکہ وقفہ وقفہ سے بار ہورہی ہے۔تلنگانہ میں مسلسل بارش کی وجہ سے ذخائر آب کی سطح میں اضافہ ہوا ہے۔