وقارآباد: سڑک حادثے میں چار افراد ہلاک

ضلع وقارآباد میں ایک سڑک حادثہ پیش آیا جس میں چار افراد جاں بحق ہو گئے۔

ریاست تلنگانہ کے ضلع وقارآباد میں پیش آئے ایک سڑک حادثہ میں چار افراد ہلاک ہو گئے۔ یہ حادثہ ضلع کی کوڑنگل شاہراہ پر اُس وقت پیش آیا جب دو تیز رفتار کاریں آپس میں ٹکرا گئی۔

حیدرآباد سے کرناٹک کو جانے والی ایک کار دوسری تیز رفتار کار سے ٹکرا گئی۔ ٹکر اتنی تیز تھی کہ چار افراد کی موقع پر ہی موت ہوگئی۔

مقامی افراد کی اطلاع پر پولیس مقام حادثہ پر پہنچی اور لاشوں کو قبضے میں لے کر پوسٹ مارٹم کے لئے بھیج دیا۔

جاں بحق افراد کی شناخت عبدل، راشد، امیر اور مولن بیگم کے طورپر کی گئی ہے۔ پولیس نے اس سلسلہ میں ایک معاملہ درج کرکے جانچ شروع کردی ہے۔

(یو این آئی)