اولڈ ایج ہوم کی ضرورت کیوں؟

انسان جس قدر تیزی کے ساتھ ترقی کرتا جا رہا ہے اتنی ہی تیزی کے ساتھ اخلاقی طور پر زوال کی طرف گامزن ہے۔ انسان چاند پر کمندیں ڈال چکا ہے، ترقی کے تمام منازل طے کر رہا ہے جس کا پہلے کسی نے تخیل بھی نہیں کیا تھا، لیکن اس کے ساتھ ہی دوسرا تاریک پہلو یہ بھی ہے کہ انسان اخلاقی زوال کی طرف اس قدر بڑھ رہا ہے جس کا تصور بھی نہیں کیا جاسکتا۔

آج اولڈ ایج ہوم دنیا کی ضرورت بن چکی ہے اور یہ ہر بڑے شہروں کے متعدد مقامات پر قائم ہوچکے ہیں۔

جو والدین اپنی اولاد کو اپنا خون پسینہ بہا کر تربیت یافتہ بناکر بہتر سے بہتر زندگی گزارنے کے قابل بنا تے ہیں وہی والدین آج انسانوں کے لیے بوجھ بنتے جارہے ہیں۔ اخلاقی گراوٹ اس قدر بڑھ گئی ہے کہ ترقی یافتہ دور میں اولاد اپنے والدین کو اولڈ ایج ہوم بھیج رہے ہیں-

ایسے ہی ایک بے سہارا اور ضعیف حضرات کے لیے فاطمہ اولڈ ایچ ہوم ہے ،جو فلک نما حیدرآباد میں قائم ہے، اس آرام گھر میں 50 سے زائد معمرافراد ہیں جو اولاد سے دور اپنا گزر بسر کرتے ہیں -

فاطمہ اولڈ ایج ہوم گذشتہ 5 برس سے ضعیف حضرات رہ رہے ہیں، اس اولڈ ایج ہوم ایسے بے سہارا کے لیے سہارا بنا ہوا ہے جس کا کوئی پرسان حال نہیں ہے۔