تلنگانہ کے سابق بی جے پی لیڈر ای راجندر کے حامیوں اور حکمران جماعت ٹی آرایس کے کارکنوں کے درمیان پروٹوکول کے مسئلہ پر جھگڑاہوگیا۔
کریم نگر ضلع کے ایلندوکنٹہ منڈل مستقر میں برسراقتدار ٹی آرایس کے کارکنوں اور ای راجندر کے حامیوں کے درمیان یہ جھگڑاکلیانا لکشمی اسکیم کے چیکس کی تقسیم کے موقع پر ہوا۔
منڈل پرجاپریشد پوانی کے بجائے ضلع پریشد کے صدرنشین نے اس پروگرام کی صدارت کی۔
اس پر ای راجندر کے حامیوں نے برہمی کااظہار کیا اور اس کو پروٹوکول کے خلاف ورزی قراردیا۔
جس کے نتیجہ میں ٹی آرایس اور ای راجندر کے حامیوں کے درمیان جھگڑاہوگیا۔ای راجندر کے حامیوں کے اعتراض پر توجہ نہ دیتے ہوئے کلیانا لکشمی اسکیم کے چیکس عہدیداروں نے تقسیم کئے۔دونوں گروپس میں اس موقع پر کافی بحث وتکرار بھی ہوئی۔اس موقع پر وہاں چیکس لینے کیلئے پہنچے کلیانا لکشمی اسکیم کے استفادہ کنندگان نے واضح کیا کہ ان کو سیاست نہیں بلکہ چیکس چاہئے۔
یواین آئی