الگ الگ ذات سے تعلق رکھنے والے جوڑے نے زہر پی لی

ریاست تلنگانہ کے ضلع سوریہ پیٹ میں الگ الگ ذات سے تعلق رکھنے والے جوڑے نے زہر پی لیا جس کے نتیجہ میں شوہر کی موت ہوگئی اور بیوی کی حالت تشویشناک ہے۔

یہ واقعہ تلنگانہ کے ضلع سوریہ پیٹ کے چنتاپالم گاوں میں پیش آیا۔ان کی شناخت 35سالہ ویرابابو اوراس کی بیوی 25سالہ مادھوی کے طورپر کی گئی ہے۔

ان دونوں نے اپنے گھروالوں کی مرضی کے خلاف گھر سے بھاگ کر ایک سال پہلے شادی کی تھی۔یہ دونوں جمعہ کو اپنے گاوں واپس آئے تھے تاہم ہفتہ کی صبح گاوں والوں نے ان دونوں کو دیکھا۔

ان کے پاس سے کیڑے مار دوابھی تھی۔ویرابابو کی موقع پر ہی موت ہوگئی تاہم مادھوی کی حالت تشویشناک ہونے کے بعد ان کو فوری طورپر اسپتال میں منتقل کیاگیا۔پولیس اس بات کی جانچ کرنے کی کوشش کررہی ہے کہ اس انتہائی اقدام کی وجہ کیا ہے۔پولیس نے معاملہ درج کرلیا ہے۔