کورونا کے خوف سے نوزائیدہ کو دیکھنے سے محروم

ریاست تلنگانہ کے نظام آباد اربن ضلع میں ایک ہی ہسپتال میں رہنے کے باوجود لیب ٹیکنیشن باپ نے اپنے نوزائدہ بچے کو نہ دیکھا۔

ایک ہی اسپتال میں ہونے کے باوجود باپ نے اپنے نوزائیدہ بچہ کو نہیں دیکھاکیونکہ اس کو خوف ہے کہ اس سے اس کا بچہ کورونا وائرس سے متاثر ہوسکتا ہے۔

تفصیلات کے مطابق ضلع کے بھیمگل منڈل کے کارے پلی دیہات کا رہنے والا تروپتی نائک سرکاری اسپتال میں کورونا کے الگ تھلگ وارڈ میں لیب ٹکنیشین کے طورپر خدمات انجام دیتا ہے۔

اسی اسپتال میں 13دن قبل اس کی بیوی نے بچہ کو جنم دیا۔

ایک ہی اسپتال میں اس کی بیوی اور نوزائیدہ بچہ ہونے کے باوجود تروپتی نے اپنے نوزائیدہ کی صورت نہیں دیکھی اور نہ ہی اپنی بیوی سے ملاقات کی کیونکہ اس کو کورونا کا خوف ہے۔

اسپتال کے الگ تھلگ وارڈ میں وہ خدمات انجام دے رہا ہے۔

کورونا کے خوف سے اس نے نہ ہی اسپتال میں موجود اپنی بیوی سے ملاقات کی اور نوزائیدہ کی صورت دیکھی اور نہ ہی وہ گھرجارہا ہے۔