کانگریس کے رہنما جی نریندر یادو کووڈ 19 کے سبب علاج کے دوران ہسپتال میں چل بسے۔
رکن پارلیمان کومٹ ریڈی وینکٹ ریڈی نے کہا کہ یادو کی موت سے پارٹی ایک ڈسپلن رہنما سے محروم ہوگئی۔ریڈی نے نریندر یادو کے غمزدہ ارکان خاندان سے تعزیت کا اظہار کیا۔
واضح رہے کہ تلنگانہ میں حکمراں جماعت کے تین ارکان اسمبلی، وزیر داخلہ محمود علی اور تین کانگریس رہنما اس وبا سے متاثر ہوئے۔
تلنگانہ خصوصا حیدرآباد شہر میں کورونا وائرس پھیل گیا ہے، اس ضمن میں محکمہ صحت اور عوامی رہنماوں کی جانب سے اپیل کی جارہی ہے کہ تمام اپنا ٹیسٹ کرائیں تاکہ اس وبا کو روکا جاسکے۔