کامیڈی اداکار وینو مادھو چل بسے

تلگو فلموں کے مشہور و معروف کامیڈی اداکار وینو مادھو کا علاج شہر حیدرآباد کے یشودھا اسپتال میں کیاجارہا تھا جہاں انہوں نے آخری سانس لی۔

وینو مادھو کی حالت کافی تشویشناک تھی اور ان کو ونٹی لیٹر پر رکھا گیا تھا۔گردے اور جگر کے عوارض کے سبب ستمبر کے پہلے ہفتہ میں ان کو اسپتال میں داخل کرایا گیا تھا۔

مذکورہ اداکار نے تقریباً 600 تلگو فلموں میں کام کیا اور انھیں 2006 میں نندی ایوارڈ سے نوازا گیا تھا۔