چیف جسٹس نے فاسٹ ٹریک کورٹ کا افتتاح کیا

تلنگانہ ہائی کورٹ کے چیف جسٹس نے کہا کہ 'تمام ریاستوں میں فاسٹ ٹریک عدالتیں قائم کرنے کی ضرورت ہے۔'

تلنگانہ ہائی کورٹ کے چیف جسٹس آر ایس چوہان نے کہا کہ 'چھوٹے بچوں اور خواتین کے معاملات کے تیزتر تصفیے کے لئے فاسٹ ٹریک کورٹس ریاست بھر میں قائم کئے جائیں گے۔'

انہوں نے شادنگر میں اسی طرح کے معاملات سے نمٹنے کے لئے قائم کردہ فاسٹ ٹریک کورٹ کا آن لائن افتتاح کیا۔ اس موقع پر انہوں نے کہا کہ 'تمام ریاستوں میں بھی اسی طرح کی عدالتیں قائم کرنے کی ضرورت ہے۔ کووڈ 19 کی وجہ سے ایسے معاملات سے نمٹنے میں تاخیر ہو رہی ہے۔'

انہوں نے کہا کہ 'ریاست میں 6173 پوکسو معاملات زیر التوا ہیں۔ ضلع بھر میں ایسے 887 معاملات زیر التوا ہیں۔ بار ایسوسی ایشن، پولیس تال میل کے ساتھ کام کرتے ہوئے ایسے معاملات کی تیز تر سماعت اور تصفیہ کو یقینی بنائیں۔ انہوں نے کہا کہ اگر لوگوں کو انصاف نہیں ملے گا تو عدلیہ پر سے لوگوں کا بھروسہ اٹھ جائے گا۔'