'رکن پارلیمان ڈی اروند کے خلاف دھوکہ دہی کا کیس درج کریں گے'

کانگریس کےرکن قانون سازکونسل ٹی جیون ریڈی نے بی جے پی رکن پارلیمان ڈی اروند کے خلاف دھوکہ دہی کا مقدمہ درج کرنے کا اعلان کیا ہے۔

نظام آباد ضلع کے آرمور میں کانگریس کی جانب سے منعقدہ کسان ریلی سے خطاب کرتے ہوئے جیون ریڈی نے کہا کہ پارلیمانی انتخابات2019 میں اروند نے ان کی کامیابی پر 5 دن میں ہلدی بورڈ قائم کرنے کے بانڈ پیپر پر تحریری وعدہ کرتے ہوئے کسانوں کو دھوکہ دیا۔ اور دو سال گزر جانے کے بعد بھی اروند ہلدی بورڈ قائم نہیں کرسکے۔

واضح رہے کہ بی جے پی کے ڈی اروند نے 2019 کے پارلیمانی انتخابات میں وزیراعلی کے چندر شیکھر راو کی دختر کویتا کو شکست دی تھی۔ انھوں نے کسانوں سے وعدہ کیا تھا کہ وہ اگر جیت جائیں گے تو ہلدی بورڈ قائم کریں گے۔ مگر ابھی تک ہلدی بورڈ کے قیام سے متعلق کوئی خبر سامنے نہیں آئی۔