تلنگانہ: سالگرہ میں تلوار سے کیک کاٹنے پر7 افراد کے خلاف مقدمہ درج

سالگرہ کے موقع پر تلوار سے کیک کاٹنے والے نوجوان اور اس کے دیگر ساتھیوں کے خلاف پولیس نے مقدمہ درج کر لیا۔

یہ واقعہ ریاست تلنگانہ کے ضلع جگتیال میں پیش آیا جس کی تصاویر سوشل میڈیا کے مختلف پلیٹ فارمس پر تیزی سے وائرل ہوگئیں جس کے بعد گولہ پلی پولیس نے سات نوجوانوں کے خلاف مقدمہ درج کر لیا۔

تفصیلات کے مطابق 26 سالہ نوجوان پرشانت گوڑ نے 2 جولائی2020 کو اپنی سالگرہ منائی۔

اس نے اپنے دوستوں کے ساتھ مل کر تلوار سے کیک کاٹا اور اس جشن کی تصاویر بھی لیں۔

اگرچہ کہ یہ واقعہ 2 جولائی 2020 کو پیش آیا۔ تاہم اتوار کو یہ معاملہ اُس وقت منظر عام پر آیا جب گوڑکی جانب سے تلوار سے کیک کاٹنے کی تصاویر وائرل ہوگئیں۔

بعض نوجوانوں نے اس پر پولیس کو توجہ دلائی جس پر پولیس نے معاملہ درج کرلیا۔