ریاست تلنگانہ میں دوباک اسمبلی حلقے کا ضمنی انتخاب ہونے جا رہا ہے۔ اس ضمن میں تیاریاں جاری ہیں۔
کانگریس پارٹی نے دوباک اسمبلی حلقے کے ضمنی انتخاب میں سی سرینواس ریڈی کو امیدوار بنایا ہے۔ صدر کانگریس سونیا گاندھی نے سرینواس ریڈی کے نام کو قطعیت دی ہے۔
واضح رہے کہ گزشتہ روز ہی سرینواس ریڈی ٹی آر ایس سے کانگریس میں شامل ہوئے تھے۔
قبل ازیں حکمراں جماعت ٹی آر ایس کے صدر اور وزیر اعلی کے چندرشیکھر راؤ نے دوباک اسمبلی حلقے کے ضمنی انتخاب کے لیے ٹی آر ایس امیدوار کے طور پر آنجہانی رکن اسمبلی سولیپیٹا راملنگا ریڈی کی بیوہ سولیپیٹا سجاتا کو امیدوار بنایا ہے۔
کانگریس نے سی سرینواس ریڈی کو ایک حکمت عملی کے تحت میدان میں اتارا ہے چونکہ مذکورہ رہنما ٹی آر ایس کو خیر آباد کہہ کر آئے ہیں، کانگریس ان کے ذریعہ حکمراں جماعت کو گھیرنے کی کوشش کرنا چاہتی ہے۔