حیدرآباد: 'سچ ہی تو ہے ' کتاب کا رسم اجرا

ریاست تلنگانہ کے دارالحکومت حیدرآباد میں ہفت روزہ گواہ کے ایڈیٹر معروف صحافی ڈاکٹر جناب سید فاضل حسین پرویز کی ادارتی مضامین پر مبنی کتاب 'سچ ہی تو ہے ' کا رسم اجرا عمل میں آیا۔

اس پروگرام میں مہمان خصوصی کے طور پر قومی کونسل برائے فروغ اردو کے ڈائریکٹر شیخ عقیل احمد اور ان کے علاوہ اردو اکیڈمی کے صدر نشین رحیم الدین انصاری اور سابقہ وائس پرنسپل و صدر شعبہ اردو آرٹس کالج عثمانیہ یو نیورسٹی کی پروفیسر فاطمہ بیگم پروین نے شرکت کی اور خطاب کیا۔

اس موقع پر ڈاکٹر شیخ عقیل احمد نے میڈیا سے گفتگو کرتے ہوئے کہا کہ' قومی کونسل برائے فروغ اردو کی جانب سے حیدرآباد میں اردو کی فروغ کے لئے ممکن اقدامات کیے جائیں گے۔'

انہوں نے مزید کہا کہ ' اس کے علاوہ اسکولس اور کالجوں میں کتابیں بھی فراہم کی جائے گی۔'