'مسجد کا انہدام حکومت کا غیر قانونی اقدام'

بھارتی کرکٹ ٹیم کے سابق کپتان اور تلنگانہ کانگریس کے رہنما اظہار الدین نے حیدرآباد میں مسجد کے انہدام کو غیر قانونی قرار دیا اور حکومت پر زور دیا کہ اس کی دوبارہ اسی جگہ پر تعمیر کی جائے۔

انہوں نے آج گاندھی بھون میں صحافیوں سے بات کرتے ہوئے کہا کہ شہر حیدرآباد کی پہچان دنیا بھر میں اس کی تاریخی عمارتوں کی وجہ سے ہے چاہیں وہ مساجد ہوں یا قدیم قلعے۔

انہوں نے صدیوں پرانی مسجد کے انہدام کے لیے ٹی آر ایس حکومت کو ذمے دار قرار دیا۔