وزیراعلی کے گھر کے سامنے خودکشی کی کوشش

لاک ڈاون کی وجہ سے بھوک سے پریشان حیدرآباد کے ملک پیٹ علاقے سے تعلق رکھنے والے محمد نصیر خاں نامی شخص نے وزیراعلیٰ چندر شیکھر راؤ کے مکان سامنے جسم پر پٹرول چھڑک کر خود کشی کی کوشش کی۔

کورونا وائرس کی روک تھام کے لیے پورے ملک مین لاک ڈاؤن نافذ ہے جس میں سب سے زیادہ پریشان غریب اور مزدور طبقہ ہے اور انہیں دو وقت کی روٹی بھی مشکل سے نصیب ہو رہی ہے۔

لاک ڈاؤن سے پریشانی کی ایک بھیانک تصویر ریاست تلنگانہ کے دارالحکومت حیدرآباد میں دیکھنے کو ملی جہاں ایک شخص لاک ڈاؤن کے سبب پریشان ہونے کی وجہ سے وزیر اعلیٰ کے گھر کے سامنے خودکشی کی کوشش کی تا ہم اسے بچا لیا گیا۔

موقع واردات پر موجود پولیس نے مذکورہ شخص کی خودکشی کوشش ناکام کر دی بعد ازاں اسے ہسپتال میں بھرتی کروایا گیا۔