حیدرآباد: قصاب برادری کے لوگوں نے کورونا ٹیسٹ کروایا

حکومت کی جانب سے حیدرآباد میں کورونا ٹیسٹ کے لئے 30 ہیلتھ سینٹر قائم کئے گئے ہیں، جہاں آج عیدالضحیٰ کے پیش نظر قصاب برادری کے لوگوں نے اپنا کورونا ٹیسٹ کروایا۔

ریاست تلنگانہ کے حیدرآباد میں حکومت کی جانب سے کورونا ٹیسٹ کے لئے 30 ہیلتھ سینٹر قائم کئے گئے ہیں، جہاں آج عیدالضحیٰ کے پیش نظر قصاب برادری کے لوگوں نے اپنا کورونا ٹیسٹ کروایا۔

اس دوران مجلس اتحادالمسلمین کے صدر بائرسٹر اسد الدین اویسی نے حیدرآباد کے مختلف ہیلتھ سنٹرس کا دورہ کیا اور نام پلی ہیلتھ سینٹر پر اپنی نگرانی میں 45 قصابوں کا کورونا ٹیسٹ بھی کروایا ۔

اس موقع سے انہوں نے قصابوں اور چھوٹے تاجرین سے اپنے مقامی ہیلتھ سینٹرس پر کورونا ٹیسٹ کروانے کی اپیل بھی کی ۔

اسد الدین اویسی نے قریش برادان سے کہا کہ 'عیدالضحی سے پہلے ٹیسٹ کروالیں اور قربانی کے دن احتیاط کریں سیناٹائزر و ماسک کا خاص خیال رکھیں۔