حیدرآباد: شیخ پیٹ میں ترقیاتی کاموں کا افتتاح

حیدرآباد کے علاقہ حلقہ جوبلی ہاؤز شیخ پیٹ ڈویژن میں صدر مجلس اتحاد المسلمین اسدالدین اویسی نے بلدی، برقی، آبرسانی اور دیگر کاموں کا افتتاح کیا۔

حیدرآباد کے رکن پارلیمان اسدالدین اویسی نے شیخ پیٹ ڈویژن میں 9 کروڑ 36 لاکھ روپے کی لاگت کے ترقیاتی کاموں کا افتتاح کیا۔ حیدرآباد کے علاقہ حلقہ جوبلی ہاؤز شیخ پیٹ ڈویژن میں صدر مجلس اتحاد المسلمین اسدالدین اویسی نے بلدی، برقی، آبرسانی اور دیگر کاموں کا افتتاح کیا- اس موقع پر انھوں نے مقامی عوام سے ملاقات کی۔

ڈویژن شیخ پیٹ کے لیے مجلس اتحاد المسلمین کے کارپورٹر راشد فراز نے بلدی اور دیگر محکموں سے 9 کروڑ 36 لاکھ روپے کا بجٹ جاری کروایا ہے، جس کا افتتاح اتوار کے روز اسدالدین اویسی کے ہاتھوں عمل میں آیا-

اس موقع پر شیخ پیٹ کارپوریٹر راشد فراز نے کہا کہ ڈویژن کی ترقی کے لئے مسلسل نمائندگی کی جاتی ہے، انھوں نے کہا کہ تقریباً کام مکمل ہوچکے ہیں۔ ڈویژن میں اوپن جم، روڈ، واٹر لان اور دیگر کام بہت جلد مکمل کیے جائیں گے-