سکریٹریٹ میں کورونا کا ایک اور کیس

سکریٹریٹ کےآئی ٹی شعبے میں کام کرنے والی خاتون ملازم کورونا مثبت پائی گئی ہیں

تلنگانہ سکریٹریٹ کی عمارت بی آر کے بھون کا ایک اور ملازم کورونا مثبت پایا گیا ہے۔

محکمہ آئی ٹی شعبے میں کام کرنے والی خاتون ملازم کو وائرس کی تشخیص ہوئی ہے۔ خاتون ملازم پچھلے پانچ روز سے غیر حاضر تھیں۔ علامات ظاہر ہونے پر کورونا مثبت پائی گئی ہیں۔ جس کی وجہ سے بی آر کے بھون میں محکمہ آئی ٹی کی دوسری منزل میں ہلچل پیدا ہوگئی ہے۔ اس سے قبل محکمہ خزانہ میں کورونا سے پہلے ہی دو افراد متاثر ہوچکے ہیں۔

جس کے بعد اس شعبہ کے ملازمین کام پر نہیں آرہے ہیں۔ کورونا کیسز سامنے آنے کے بعدکسی بھی شخص کو بی آر کے بھون میں داخل ہونے کی اجازت نہیں ہے۔ جو لوگ ضروری کاموں پر ہیں، انہیں متعلقہ حکام کی اجازت سے اندر بھیجا جارہا ہے۔

سیکریٹریٹ میں تمام کے داخلے ممنوع کردئے گئے ہیں اور کسی بھی فرد کو اپائنٹمینٹ نہیں دیا جارہا ہے۔