آندھرا پردیش کے وزیراعلی جگن کے سسر چل بسے

آندھرا پردیش کے وزیراعلی وائی ایس جگن موہن ریڈی کے سسر گنگی ریڈی چل مختصر علالت کے بعد انتقال کرگئے۔

گنگی ریڈی گزشتہ چند دنوں سے بیمار تھے اور حیدرآباد کے ایک کارپوریٹ اسپتال میں زیر علاج تھے جہاں انہوں نے سنیچر کی صبح کی اولین ساعتوں میں آخری سانس لی۔

گنگی ریڈی، آندھرا پردیش کے ضلع کڑپہ کے پُلی ویندلہ کے مشہور ڈاکٹر تھے جو غریبوں کی خدمت کرتے تھے۔ وہ سنہ 2001 تا 2005 تک رکن پارلیمان بھی رہے۔

انہوں نے ربیع کے موسم میں کسانوں کو تخم کی فراہمی کا مطالبہ کرتے ہوئے سنہ 2003 میں پدیاترا میں بھی حصہ لیا تھا۔ان کی آخری رسومات ہفتہ کی دوپہر انجام دی گئی۔