ٹی آرایس رہنما کے گھرسے شراب ضبط

جی ایچ ایم سی انتخابات سے ایک دن قبل پولیس نے حیدرآباد کے چیتنیا پوری میں کاروائی کرتے ہوئے ٹی آر ایس کے نائب صدر کے گھر پر چھاپہ مارا اور کثیر مقدار میں شراب ضبط کی۔

بی جے پی کارکنوں کی اطلاع پر پولیس نے چینتیا پوری ڈویزن کے ٹی آر ایس رہنما شرینواس کے گھر پر چھاپہ مارا۔ پولیس کے چھاپے میں مذکورہ ٹی آرایس رہنما کی کار سے شراب ضبط کی گئی ۔ اس واقعےکے بعد بی جے پی کے رکن قانون ساز کونسل رام چندر راو اور دیگر چیتنیا پوری پہنچ گئے اور احتجاج منظم کیا۔

اس موقع پر بی جے پی نے ٹی آر ایس امیدوار جنارام وٹھل ریڈی پر کیس درج کرنے کا مطالبہ کیا۔