اکبرالدین اویسی کی جانب سے اناج کی تقسیم کی ستائش

محمد عبدالرفیع ذکی آرگنائزنگ سکریٹری تلنگانہ اردو ورکنگ جرنلسٹس یونین اور مولانا محمد محسن پاشاہ قادری نقشبندی جرنلسٹ نے تلنگانہ اسمبلی میں مجلس کے فلور لیڈر اکبرالدین اویسی کی جانب سے سوا کروڑ روپئے سے زائد رقم کے اناج ودیگر اشیاء کی ضرورت مندوں میں تقسیم کی ستائش کی۔

انہوں نے اپنے بیان میں کہاکہ مقامی وغیر مقامی پرنٹ والکٹرانک کے سینکڑوں صحافیوں میں اناج ودیگر اشیائے ضروریہ کی بھی تقسیم کی گئی۔ اس طرح انہوں نے عظیم کارنامہ انجام دیا ہے۔

ادھر دوسری جانب دہلی کے وزیر اعلیٰ اروند کیجریوال نے بھی مہلک وباء کرونا وائرس سے مرنے والے صحافیوں کے افرادخاندان کو فی کس ایک کروڑ روپئے جاری کرنے کا اعلان کیا ہے جس کیلئے وہ بھی قابل مبارکباد ہیں۔ اروند کیجروال کے اس کارنامہ کی تقلید ملک کی دیگر ریاستوں کے وزرائے اعلی کو بھی کرنے کی ضرورت ہے۔

انہوں نے کہا کہ ریاست کے اکریڈیشن رکھنے والے اور اکریڈیشن نہ رکھنے والے صحافیوں کے لئے بھی مؤثر اقدامات کی ضرورت ہے کیونکہ ایسی مشکل گھڑی میں بھی اپنی جان کی پرواہ کئے بغیر صحافی خبروں کی ترسیل و عوام الناس کو ان خبروں سے باخبررکھتے ہوئے بہترین صحافتی خدمات انجام دے رہے ہیں۔