ورنگل: اے بی وی پی نے وزیر کی گاڑیوں کے قافلے کو روکنے کی کوشش کی

اے بی وی پی کارکنوں نے ہاتھوں میں پلے کارڈس تھام کروزیر انفارمیشن ٹکنالوجی کے تارک راما راو کی گاڑیوں کے قافلہ میں رکاوٹ پیدا کرنے کی کوشش کی اور سڑک پر بیٹھ گئے۔ ان کے ہاتھوں میں اے بی وی پی کے جھنڈے اورپلے کارڈس تھے۔ ان کارکنوں نے حکومت مخالف نعرے بازی بھی کی۔

تلنگانہ کے وزیر انفارمیشن ٹکنالوجی کے تارک راما راو کے دورہ ورنگل کی شدید مخالفت کرتے ہوئے اے بی وی پی کے کارکنوں نے ان کی گاڑیوں کے قافلہ کوروکنے کی کوشش کی اور پوچماں میدان رتنا ہوٹل سنٹر کے قریب احتجاجی مظاہرہ کیا۔

ان کارکنوں نے ہاتھوں میں پلے کارڈس تھام کر وزیرموصوف کی گاڑیوں کے قافلہ میں رکاوٹ پیداکرنے کی کوشش کی اور سڑک پر بیٹھ گئے۔ان کے ہاتھوں میں اے بی وی پی کے جھنڈے اورپلے کارڈس تھے۔ان کارکنوں نے مخالف حکومت نعرے بازی بھی کی۔ان کارکنوں نے ملازمتوں پر تقرری کے لئے فوری طورپر اعلامیہ جاری کرنے کا مطالبہ کیا۔اس احتجاج کی وجہ سے کچھ دیر کیلئے یہاں صورتحال کشیدہ ہوگئی تاہم پولیس نے مداخلت کرتے ہوئے ان کارکنوں کو حراست میں لیتے ہوئے مقامی پولیس اسٹیشن منتقل کردیا۔