تلنگانہ اسمبلی کا محاصرہ کرنے کی کوشش

تلنگانہ اسمبلی کا محاصرہ کرنے اے بی وی پی کی کوشش آج ناکام بنادی گئی تاہم اس احتجاج کے نتیجہ میں کچھ دیر کےلیے تلنگانہ اسمبلی کے قریب کشیدگی دیکھی گئی۔

بجٹ میں تعلیمی شعبہ کے لیے زائد فنڈس الاٹ کرنے اور خالی ملازمتوں کو پُرکرنے کامطالبہ کرتے ہوئے اے بی وی پی کے کارکنوں نے اسمبلی کی عمارت کا محاصرہ کرنے کی کوشش کی تاہم اسمبلی کے قریب موجود چوکس پولیس نے ان کو ایسا کرنے سے روکتے ہوئے لاٹھی چارچ کیا۔

اس موقع پر پولیس اور طلبہ میں بحث وتکرار ہوگئی۔ طلبہ نے سڑک پر دھرنا دینے کی کوشش کی اور حکومت کے خلاف نعرے بازی کی تاہم ان طلبا کو حراست میں لے لیاگیا۔