حیدرآباد: تلنگانہ کے دارالحکومت حیدرآباد میں صدر مجلس و رکن پارلیمان بیرسٹر اسد الدین اویسی کی ہدایت پر آج مجلس کے رکن اسمبلی و انچارج میدک مجلس کوثر محی الدین نے سید عشرت علی صفی اور سابق صدر خلیل پرویز کے ہمراہ ضلع ایس پی شریمتی پی روہنی پریہ درشنی سے ملاقات کرتے ہوئے تحریری یادداشت حوالے کی۔ رکن اسمبلی کوثر محی الدین نے سپرنٹنڈنٹ آف پولیس، ضلع میدک سے ملاقات کرتے ہوئے خاطی افسروں راج شیکھر ایس آئی، پرشانت اور پون کمار، کانسٹیبل کے خلاف سخت کارروائی کرنے کا مطالبہ کیا۔
انھوں نے کہا کہ محنت مزدوری کرنے والے ایک غریب آدمی کے قتل کا گھناؤنے فعل کو انجام دینے والے پولیس اہلکاروں کو فوری برطرف کیا جائے ۔اور اس واقعہ کی جامع تحقیقات کروائی جائے۔ ان کا کہنا ہے کہ محنت مزدوری کرنے والے ایک غریب آدمی کے قتل کا گھناؤنے فعل کو انجام دینے والے پولیس اہلکاروں کو فوری برطرف کیا جائے اور اس واقعہ کی جامع تحقیقات کروائی جائے۔رکن اسمبلی کوثر محی الدین نے نماز جنازہ میں شرکت کی۔ مرحوم عبدالقدیر کے پسماندگان کے ساتھ غم کا اظہار کیا۔انہوں نے اس معاملے کو ریاستی سطح پر تحریک چلانے کا بھی انتباہ دیا۔