نو ماہ کی بچی سے جنسی زیادتی اور پھر قتل

ریاست تلنگانہ کے ضلع ورنگل میں ایک نو ماہ کی بچی کو اس کے پڑوسی نے جنسی زیادتی کے بعد قتل کر دیا، ملزم نے بچی کو اس وقت اغوا کیا جب وہ اپنے والدین کے ساتھ سو رہی تھی۔

ذرائع کے مطابق ملزم کی شناخت 28 سالہ پروین کے طور پر کی گئی ہے جو ضلع ورنگل کے کمار پلی علاقے میں متاثرہ کے پڑوس میں رہتا تھا۔

گزشتہ رات بچی جب اپنے والدین کے ساتھ سو رہی تھی تبھی ملزم نے بچی کو اغوا کیا اور اس کے ساتھ جنسی زیادتی کی۔

بچی کے والدین نے ملزم کو پکڑ کر پولیس کے حوالے کر دیا۔

بچی کو فورا استپال میں منتقل کیا گیا جہاں اسکو مردہ قرار دے دیا گیا۔

پولیس نے آئی پی سی کے دفعہ 376، 302 اور متعدد دفعات کے تحت معاملہ درج کر لیا ہے۔

پولیس کا کہنا ہے کہ متاثرہ کی لاش کو ریاستی اسپتال منتقل کیا گیا ہے جہاں اس کی جانچ ہوگی کہ متاثرہ کی موت آبروریزی سے ہوئی یا کسی اور وجہ سے۔