اننت پور: آندھرا پردیش میں ضلع اننت پور کے درگاہ ہوناور گاؤں میں بدھ کے روز ایک ہائی ٹینشن تار کے کرنٹ کی زد میں آنے سے چار خواتین مزدوروں کی موت ہو گئی اور تین دیگر خواتین شدید جھلس گئیں۔ Four Women Farm workers Electrocuted
پولس ذرائع کے مطابق ہائی ٹینشن تار ٹوٹ کر خواتین کے ایک گروپ پر گرگیا جو کھیت میں مکئی کی فصل کاٹ رہی تھی۔ مرنے والوں کی شناخت پاروتی، سنکرما، منگا اور رتنم کے طور پر ہوئی ہے۔ شدید جھلس جانے والی تین خواتین کو بیلاری کے سرکاری اسپتال میں داخل کرایا گیا ہے۔ پولس نے مقدمہ درج کرکے لاشوں کو پوسٹ مارٹم کے لیے مقامی سرکاری اسپتال بھیج دیا۔