بھارتی ماہی گیروں کا لاکھوں روپے کا نقصان

سری لنکا کے بحریہ نے رامیشورم کے کچتیو جزیرے میں مچھلی پکڑنے کے لیے گئے تمل ناڈو کے 100 سے زائد ماہی گیروں کو آج بندوق کی نوک پر بھگایا اور ان کی کشتیاں اور مچھلی پکڑنے کے جال بھی تباہ کر دیے۔

سمندر سے واپس آئے ماہی گیروں نے صحافیوں کو بتایا کہ 'سری لنکا کے بحریہ کی گشتی کشتیوں نے بیچ سمندر میں انہیں گھیر لیا اور مچھلی پکڑنے کے لیے ڈالے گئے ان کے جالوں کو تباہ کر دیا۔'

انہوں نے کشتیاں، مچھلی پکڑنے والے آلات اور لاکھوں روپے مالیت کے جی پی ایس سروے آلات کو بھی نقصان پہنچایا۔ اتنا ہی نہیں انہوں نے بندوق کی نوک پر انہیں سمندری حدود سے بھگاتے ہوئے دوبارہ رخ کرنے پر خطرناک انجام بھگتنے کی دھمکی دی۔ ماہی گیروں نے کہا کہ سری لنکا بحریہ کے حملے میں فی کشتی کو 50 سے 80 ہزار روپے کا نقصان پہنچا ہے۔

ماہی گیر یونین کے حکام نے بتایا کہ تقریبا تین ہزار ماہی گیر مچھلی پکڑنے کے لئے رامیشورم سے گزشتہ روز صبح سمندر کی طرف روانہ ہوئے تھے۔