Controversy on AR Rahman اے آر رحمان نے اہلیہ کو ہندی کے بجائے تمل زبان میں بات کرنے کو کہا

ایک عوامی تقریب کے دوران آسکر ایوارڈ یافتہ اے آر رحمان نے اپنی اہلیہ کو ہندی کے بجائے تمل زبان میں بات کرنے کو کہا، جس پر ان کی اہلیہ ہنسنے لگتی ہیں اور معزرت کرتے ہوئے کہا کہ میری تمل زبان بہت اچھی نہیں ہے۔ AR Rahman Stopped Wife from Speaking in Hindi

چنئی:معروف میوزک کمپوزر اور آسکر ایوارڈ یافتہ اے آر رحمان کا ایک ویڈیو سوشل میڈیا پر وائرل ہو رہا ہے۔ یہ ویڈیو ایک عوامی تقریب کا ہے، جس میں وہ اپنی اہلیہ کو ہندی کے بجائے تمل زبان میں بات کرنے کو کہہ رہے ہیں۔ دراصل اے آر رحمان اپنی اہلیہ کے ساتھ 'پونیئن سیلوان-2' کے میوزک کمپوزر کا ایوارڈ لینے کے لیے اسٹیج پر پہنچے، جہاں انہوں نے اپنی اہلیہ سائرہ بانو سے ہندی کے بجائے تمل زبان میں بات کرنے کو کہا۔

اے آر رحمان کی بات سن کر اہلیہ سائرہ بانو ہنسنے لگیں۔ سائرہ آنکھیں بند کر کے کہتی ہے اوہ گاڈ۔ اس پر وہاں موجود سامعین زور زور سے ہنسنے لگتے ہیں۔ سائرہ بانو کہتی ہیں کہ ان کی تامل زبان اچھی نہیں ہے۔ اس لیے اب وہ انگریزی میں بات کریں گی۔ سائرہ سب کو شب بخیر کہتی ہیں اور کہتی ہیں کہ وہ تمل زبان کو ٹھیک سے بولنا نہیں جانتی ہیں، اس لئے انہیں معاف کر دیں۔ انہوں نے کہا کہ ان کے شوہر کی آواز ان کی پسندیدہ ہے۔ مجھے ان کی آواز سے پیار ہو گیا۔

آپ کو بتاتے چلیں کہ اے آر رحمان اور سائرہ بانو کی شادی 1995 میں ہوئی تھی۔ ان کے تین بچے ہیں جن کے نام خدیجہ، رحیمہ اور امین ہیں۔ اے آر رحمان نے مختلف زبانوں کی فلم انڈسٹری میں بطور میوزک کمپوزر کام کیا ہے لیکن ان کا تمل سے الگ تعلق ہے۔ رحمان کو 2010 میں پدم بھوشن سے بھی نوازا گیا تھا۔ رحمان کے پاس 6 نیشنل ایوارڈز، دو اکیڈمی ایوارڈز، دو گریمی ایوارڈز، ایک بافٹا ایوارڈ، ایک گولڈن گلوب ایوارڈ، 15 فلم فیئر ایوارڈز اور 17 فلم فیئر ایوارڈز (جنوبی) ہیں۔ ایک کنسرٹ کے مہنگے ترین ٹکٹ فروخت کرنے کا ریکارڈ بھی رحمان کے پاس ہے۔